Mibeko ya lisano: Pool.

Ndenge nini kosakana?

Tango ekomi tour na yo ya kosakana, esengeli osalela 4 contrôles.

1. Tambwisa nzete mpo na kopona nzela.
2. Pona spin oyo epesami na bale. Na ndakisa, soki otye esika ya moindo na nse ya sɛrklɛ ya mpɛmbɛ, bale na yo ekozonga nsima nsima ya kobɛta eloko moko.
3. Poná makasi ya lisasi na yo.
4. Finá na butɔ mpo na kobɛta ntango babongisi mouvement na yo.

Mibeko ya lisano

Mibeko ya lisano oyo ezali mibeko ya 8-ball pool, oyo babengaka mpe

"Snooker"

Mokano ya lisano ezali ya kotia bale 8 na mabulu. Esengeli otia liboso ba 7 boule ya couleur na yo, et enfin boule noire.
Basani basakanaka moko nsima na mosusu. Kasi soki mosani alongi kokɔtisa bale moko na poche, abetaka mbala moko lisusu.
Ozali na lotomo ya kobeta bale ya pembe, pe kaka boule ya pembe, pe kobwaka yango contre ba balles misusu.
Na ebandeli ya lisano, basani bazalaka na balangi te. Ntango mosani moko atye bale moko na libulu mpo na mbala ya liboso, azwaka langi oyo, mpe monguna na ye azwaka langi mosusu. Ba couleurs ezali attribuées pona jeu mobimba.
Ntango ngala na yo ekoki, osengeli koluka kotya bale ya langi na yo na mabulu, moko nsima na mosusu. Tango ba 7 balles na yo ekoti déjà na ba trous, il faut otia balle noire na libulu moko et puis o gagner.
Ozali na lotomo te ya kobɛta liboso bale ya mosani mosusu. Bale ya liboso oyo okobeta esengeli kozala ya couleur na yo moko, to ya noir soki otikali na ba balles te na mesa. Soki olongi te kosala boye, ezali faute.
Ozali na droit te ya kotia boule ya pembe na libulu. Soki olongi te mpe otye bale ya mpɛmbɛ na libulu, batalelaka yango lokola libunga.
Soki osali faute, ozuaka etumbu. Etumbu ezali boye: Motelemeli na yo azali na lotomo ya kotambolisa bale ya pembe esika alingi liboso ya kosakana. Akozala na lisasi ya pete.
Soki otye bale ya moindo na libulu liboso ete lisano esila, olongi mbala moko.
Soki otie boule noir na libulu pe osali faute, o perdre. Ata soki ozali déjà na ba boule ya couleur na yo te etikali na mesa. Donc okoki kaka ko perdre na tir final soki o poche noir na pembe en même temps.
Emonani mwa compliqué, kasi komitungisa te, ezali lisano ya pete. Mpe ezali esengo, yango wana meká yango. Ezali très populaire na application oyo. Okozwa baninga ebele kuna!

Un peu ya stratégie

Jeu ya pool ezali jeu ya attaque-défense. Ba débutants balingi toujours ko marquer, mais ezalaka toujours mouvement correct te. Tango mosusu, ezalaka malamu ko défendre. Ezali na ndenge mibale ya komibatela: Okoki kotya bale ya pembe esika oyo monguna akozala na mouvement ya mpasi. To okoki kopekisa monguna na yo. Kokangama (babengaka yango mpe
"snook"
) esalemaka na kobombaka bale ya mpɛmbɛ nsima ya bale na yo, na boye ete ekoki kosalema te ete monguna na yo abɛta bale mbala moko longwa kuna. Mbala mosusu monguna akosala mbeba.
Soki okoki te kotia bale na yo na libulu, beta masasi na malembe mpe meka kopusana penepene na bale na yo uta na libulu. Mouvement na yo ya sima ekozala victoire.
Ezali na ntina kokanisa na ntina ya mouvement na yo ya mibale. Salelá kobalusa mpo na kotya bale ya mpɛmbɛ na esika moko boye, mpo okoka kozwa ba buts mbala mingi na tour moko.
Ba débutants balingi toujours ko tirer très fort, na espoir ya kozua chance. Kasi ezalaka ntango nyonso likanisi ya malamu te. Po okoki na mbalakaka ko poche boule ya noir na libulu, to boule ya pembe.
Salá miango. Mbala nyonso oyo ozali kobɛta, osengeli kozala na mwango mpo na kosala makambo oyo ekolanda. Yango esalaka bokeseni kati na bato oyo babandi mosala mpe bato oyo bayebi mosala malamu. Oyo ezali ndakisa ya mwango : « Nakotia bale oyo na libulu, sima nakotia boule ya pembe na gauche na kosalelaka effet de spin gauche, mpe na suka nako bloquer adversaire na ngai. »

Sakana na robo yango

Kosakana na mayele ya kosala robot ezali esengo, mpe ezali lolenge malamu ya kobongisa lisano oyo. Application yango e proposer 7 niveaux ya difficulté progressive :

Niveau 1 - "aléatoire":
Robot esakanaka totalement ekangami miso. Akosala ba mouvements bizarres, pe mingi mingi, okozua faute. Ezali pene na lokola nde obetaki mpenza yo moko.
Niveau 2 - "facile":
Robot a viser bien te, asalaka ba erreurs ebele, pe a attaquer bien te, pe a défendre bien te.
Niveau 3 - "moyenne":
Robot azali ko viser mua malamu, pe esalaka ba erreurs moins. Kasi azali kaka ko attaquer malamu te to ko défendre malamu te.
Niveau 4 - "difficult":
Robot azali ko viser très bien, mais parfaitement te. Azali naino kosala mabunga, mpe tii lelo azali kobundisa malamu te. Kasi azali ko défendre malamu koleka sikoyo. Lisusu na niveau oyo, robot ayebi kotia boule ya pembe soki osali faute.
Niveau 5 - "expert":
Robo azali ko viser parfaitement, pe ayebi ko éviter mingi ya ba erreurs. Akoki sikoyo ko attaquer mpe ko défendre en utilisant ba rebonds complexes. Robo yango ezali malamu na ndenge ya tekiniki, kasi azali na mayele moko te. Soki ozali expert, mpe soki oyebi kosalela spin ya balle ya pembe, to soki okoki kosala lisasi ya défense ya malamu liboso ya kotika robot ebeta, okolonga ye.
Niveau 6 - "champion":
Robot ekosala erreur moko te. Mpe na niveau oyo ya difficulté, robot akoki sikoyo kokanisa mpe akoki kosalela stratégie. Akoki kobongisa lisasi moko liboso, mpe akoki kobongisa esika na ye na kosaleláká kobalusa bale. Akosala mpe ete position na yo ezala difficile soki azali na besoin ya ko défendre. Azali mpasi mingi mpo na kolonga. Kasi ezali kaka possible ya kolonga soki obeti lokola champion, po robot esakanaka kaka lokola mutu na niveau oyo ya difficulté.
Niveau 7 - "génie":
Oyo ezali niveau ya difficulté ya suka. Robo yango esakanaka malamu mpenza, mpe kutu malamu koleka: Asakanaka lokola masini. Okozala kaka na chance moko ya ko poche ba 8 balles na tour moko. Soki ozangi lisasi moko, to soki o défendre, to soki otiki robot abeta lisusu kaka mbala moko sima ya tour na yo ya kosakana, ako poche ba 8 balles mpe akolonga. Kobosana te: Okozala kaka na libaku moko!